Kenya

Poll without page-refresh

Article on other languages:

	del.icio.us
	Digg
	Furl
	Reddit
	Rojo
	Add to OnlyWire

Kenya


(dettaglio)

Motto: Laoremo insieme

Informasion

Nome par intiero:

Republica del Kenya

Nome ufisiałe:

Jamuhuri ya Kenia, Republic of Kenya

Łéngoa uficiałe:

Swahili, Inglexe

Cavedal:

Nairobi (4.500.000 ab.)

Politica

Capo de governo:

Indipendensa:

Dal Regno Unìo el 12 de diçenbre 1963

Ingreso a l'ONU:

16 de diçenbre 1963

Area

Totale:

582.650 km²

Pos. nel mondo:

46°

% delle acque:

2,3 %

Popolazione

Totałe:

31.138.735 ab. (2002)

Pos. nel mondo:

37°

Densità:

53,4 ab./km²

Geografia

Continente:

Africa

Fuxo oràrio:

UTC +3

Economia

Vałuta:

Scellino keniota

Energia:

Varie

TLD:

.ke

Prefiso tełef.:

+254 (005 da Tanzania e Uganda)

Sigla autom.:

EAK

Ino nasionałe:

Ee Mungu Nguvu Yetu

Festa nasionałe:

El Kenya (Jamuhuri ya Kenya en swahili e Republic of Kenya en inglexe) l'è na nasion africana a caval dell'equator. El confina con la Somalia, l’Etiopia, el Sudan, l’Uganda, la Tanzania e l’Oxeano Indian. La capital la xe Nairobi. Le altre cità importanti ie Mombasa, Nakuru, Eldoret e Kisumu. La capital la ga 4 milioni de abitanti, piasè de la metà i vive ne le baracopoli. Kibera, con otocentomila abitanti, l'è la baracopoli piasè grande de l'Africa. La republica del Kenya la ga trentado milioni de abitanti. I popoli majori i xe i kikuyu, i kamba, i luya, e i luo. Tra i popoli pecenini, i piasè conosudi i xe i maasai, i pokot e i turkana.

Aministrasion

El Kenya gha sete province:

Central
Coast
Eastern
North Eastern
Nyanza
Rift Valley
Western

Nairobi la xe na region indipendente.

Giografia

Par savérghene piesè, varda ła vóxe Giografia del Kenya.

El paese el presenta na grande varietà de tereni e clima. La costa la xe sabiosa o coralina. Al centro ghe i grandi altipiani che i culmina col Monte Kenya (5199 m), el secondo monte de l’Africa. A ocidente del Monte Kenya ghe la Rift Valley, la piasè longa spacatura de la crosta terestre, che la traversa el Kenya da sud a nord. El nord del paese l’è deserto. El Kenya el gha pochi fiumi (Tana, e Galana i xe i piasè longhi) un tocheto del Lago Vitoria e i laghi del Rift. Questi xe laghi de acqua salà (Nakuru, Bogoria, Elementeita, Magadi, Turkana).

Storia

Par savérghene piesè, varda ła vóxe Storia del Kenya.

La popolazion keniana la vien da tante parti. I altopiani centrali i e’ abita’ da popolazioni bantu (kikuyu, embu, meru e kamba). La Rift Valley l’è abità da popoli pastori (maasai, turkana, pokot, kalenjin). Rente al Lago Vitoria ghe i luo e i luya, anca lori vegnù zo dal Sudan. Nel nord ghe popoli Hamitici (originari de Etiopia e Somalia). Su la costa se cata i Taita (Bantu), e i popoli Swahili. I arabi, che i vegnea da el Yemen e el Oman, gha fondà dele cità importanti su la costa. Lamu, doe el swahili l’è nato; Gedi, Mtwapa, Mombasa. I arabi fasea comercio de roba che vegnea da l’Asia e comprava i mori da menar en Arabia come sciavi. Da Mombasa, i arabi rivava fin al regno de i Baganda (l’Uganda de ancò).

I portoghesi xe rivà nel XVI secolo e i gha ocupà Malindi (acque profonde in swahili) e Mombasa, ma i no se gha moso da la costa.

Le esplorazioni del secolo XIX fasea conosar la regione a i eoropei. Tuti i esploratori gha seguesto le carovane de i schiavisti arabi. Dopo i esploratori, i inglesi xe arivà da l’India. Lori i volea andar in Uganda e i no volea saverne de star en Kenya. Parò un grupo de coloni sa tolto le tere bone de i altipiani centrali e alora la colonia del Kenya la fu acetada da la corona inglese. El nome Kenya vien dal kikuyu. Quando i esploratori eoropei ghe domandava el nome de la montagna con la nee, i Kikuyu i gha risposto Kerinyaga (la montagna de lo struzo).

Nel dopo guera (1948 – 1963), i Kikuyu volea conquistar l’indipendenza. I Mau Mau i combatea contro i colonialisti e l’indipendenza rivò el 12 dicembre 1963. Jomo Kenyatta fu el primo presidente del Kenya. Dopo de lu, ghe stà el presidente Daniel Toroitich arap Moi (1978 – 2002), e ora ghe Emilio Mwai Kibaki.

Economia

Dopo l’indipendenza, el Kenya el cresea economicamente. L’agricoltura e l’industria iera de le piasè forti de l’Africa. Soto el presidente Moi, el paese se catò en una recesion economica. Ancò, el paese el stà crescendo (5,5% en nel 2006). El problema piasè grande el xe la distribuzion de la richeza. El 2% de la popolazion el xe ricco, la majoria la xe puareta – con manco de un euro al di – ma la clase media la crese.

Religion

El Islam xe la religon organizada pi’ vecia presente en Kenya. Ancò ghe el 6% de musulmani. I catoleghi i xe el 25%, i protestanti el 15%, le sete de ispirazion cristiana el 30%. I restanti i segue le religioni tradizionali. La minoria indiana la xe de religion hindu. La cesa catolica la xe presente con cese e opere sociali (scole, ospedai, centre de salute, progeti de svilupo). Ghe tanti veneti tra i misionari.

Portałe Africa: varda łe altre voxe de Wikipedia che łe parla de Africa

Enclave e posedimenti europei
Stati del mondo \| Africa
Algeria \| Angoła \| Benin \| Botswana \| Burkina Faso \| Burundi \| Camerun \| Capo Verde \| Ciad \| Costa d'Avorio \| Egito \| Eritrea \| Etiopia \| Gabon \| Gambia \| Ghana \| Gibuti \| Guinea \| Guinea Equatorial \| Guinea-Bissau \| Comore \| Kenya \| Lesotho \| Liberia \| Libia \| Madagascar \| Malawi \| Mali \| Maroco \| Mauritania \| Mauritius \| Mozambico \| Namibia \| Niger \| Nigeria \| Republica Centrafricana \| Rep. Dem. del Congo \| Republica del Congo \| Ruanda \| São Tomé e Príncipe \| Senegal \| Seychelles \| Siera Leon \| Somałia \| Sudafrica \| Sudan \| Swaziland \| Tanzania \| Togo \| Tunixia \| Uganda \| Zambia \| Zimbabwe
Ceuta (Spagna) \| Melilla (Spagna) \| Réunion (Fransa)\| Sant'Ełena (Regno Unìo)
Teritori con stato legałe mìa definìo
Sahara Ocidental